ӨНЕРЛІ ӨРЕНДЕР

ӨНЕРЛІ ӨРЕНДЕР

ауданымыздағы Байғабыл Жылқыбаев атындағы өнер мектебінің оқушылары Павлодар қаласында өткен балалар музыка мектептерінің және өнер мектептерінің білім алушы – жас музыканттардың 55-ші облыстық фестиваль- конкурсында жеңіске жетті.

Өнер мектебінің ансамблі ІІ дәрежелі дипломмен марапатталды (педагогтері Сайырхан Төлбастар, Ботабаев Жақсылық). Домбыра сыныбының оқушысы Шакирова Аружан ІІІ орынды иеленсе, Нұрғали Сабыржан, Нұрғали Малика және Өмірбек Айбын дипломант атанды. Домбырашыларды дайындаған педагогтер Сайырхан Төлбастар, Нұрболат Сырымбек және Олжабай Нұржан, концертмейстер Сайырхан Ерлік.

ҚҰТТЫҚТАЙМЫЗ 💐

БАСТАУЫШ МЕКТЕП – БІЛІМ МЕН ҒЫЛЫМНЫҢ БАСТАУЫ

БАСТАУЫШ МЕКТЕП – БІЛІМ МЕН ҒЫЛЫМНЫҢ БАСТАУЫ

тақырыбымен өткен бастауыш сынып мұғалімдерінің республикалық съезі ағымдағы жылғы 15 наурыз күні Нұр-Сұлтан қаласында өтті. Съезді ұйымдастырудың мақсаты – кәсіби біліктілігі жоғары педагогтердің әлеуетін бастауыш білім берудің өзекті мәселелерін шешуге және білім сапасын арттырудың ұтымды жолдарын айқындауға жұмылдыру.

Съезге Білім және ғылым министрі Асхат Аймағамбетов және еліміздің барлық өңірлерінен келген бастауыш сынып мұғалімдері қатысты. Олардың қатарында А. Иманов атындағы орта мектептің бастауыш сынып мұғалімі Гүлсім Садыққызы Смагулова бар.

Минстр Асхат Аймағамбетов өз сөзінде бастауыш сыныптың типтік оқу бағдарламасы жаңаратындығы, тақырыпты бекіту мен қайталауға арнайы уақыт қажеттігі, грамматика мәселелерін күшейтуге көңіл бөлінетіндігін, «Математиканы» бастауыш сыныпта бөліп оқыту мәселесі де қарастырылатындығын айтты.

HACKATHON IT CAMP

HACKATHON IT CAMP

«IQanat» білім қоры мен ҚР Білім және ғылым министрлігі бірлесіп өткізетін ауыл мектептері оқушыларына арналған олимпиада.

Ағымдағы жылғы 12-13 наурыз күндері Щучинск қаласында өткен «IQanat IT Нackathon 2022» сайысына ауданымыздың екі 8 сынып оқушысы қатысып, екеуі де жеңіске жетті. Олар:
🥇Амангельдинова Наргиз, Жалтыр ОМ;
🥉Жасқайрат Арнұр, Ақжар ОМ.

ҚҰТТЫҚТАЙМЫЗ 💐

ШАҢҒЫШЫ САҒИДОЛЛА

ШАҢҒЫШЫ САҒИДОЛЛА

Малайсары орта мектебінің 8-сынып оқушысы.
2008-2009 жылы туған жасөспірімдер арасында өткен Республикалық шаңғы жарысында, 4х3 км эстафеталық сайыс түрі бойынша Айдаболов Сағидолла 1 орын, ал Малайсары орта мектебінің командасы аталған жарыста 2 орынды алды (жаттықтырушы Ерболат Асылханов).

ҚҰТТЫҚТАЙМЫЗ 💐

ҚАЗАҚ ПОЭЗИЯСЫНЫҢ ҚҰЛАГЕРІ

ҚАЗАҚ ПОЭЗИЯСЫНЫҢ ҚҰЛАГЕРІ

атанған Ілияс Жансүгіровтің шығармасы мен еңбек жолына арналған тұңғыш облыстық сайыс өтті. Сайыс 3 бағыт бойынша ұйымдастырылған, оған облысымыздан барлығы 42 оқушы қатысты.

8-11 сынып оқушылары арасында өткен сайыстың негізгі мақсаты – Ілияс Жансүгіров шығармаларын насихаттау, оқушылардың поезияға деген құштарлығын арттыру.

«Жас ақындар» бағыты бойынша Саты негізгі мектебінің 9-сынып оқушысы Калелова Алтынай ІІ орын (мұғалімі Гүлден Телеухан);

«Ілияс – эпик ақын» бағыты бойынша Май орта мектебінің 8-сынып оқушысы Аубакирова Айгерім ІІІ орын (мұғалімі Нұржамал Адильшина ) иеленді.

(карусальді жылжытыңыз ⏩)

ҚҰТТЫҚТАЙМЫЗ 💐

АНАЛАР МЕРЕКЕСІ

АНАЛАР МЕРЕКЕСІ

қарсаңында республикалық және облыстық деңгейдегі білім, интеллектуалды-танымдық сайыстардың жеңімпазы болған дарынды оқушылардың аналарының аудан әкімімен кездесуі өтті.

Ағыбай Қойшыбайұлы Әмірин барлық аналарды мерекемен құттықтап, алғыс білдірді. Дөңгелек үстел басында аналар өз тілектерін айтып, ән шырқап, естелік суретке түсті.

МЕРЕКЕ ҚҰТТЫ БОЛСЫН 🌷